Sad Shayari

Kuch Iss Tarah Ki Apni Zindagi Hai
Dil Mein Gham Aankhon Mein Nami Hai

Jab Tak Tera Dard Mere Sath Hai
Tab Tak Mujhey Kis Baat Ki Kami Hai

Khushi Ke Sath Gham Bhi Milte Hain
Haqeeqat Mein Issi Ka Naam Zindagi Hai

Mein Kaise Tujhey Dil Se Juda Kar Doon
Jane-Mann Tu Mere Saanson Mein Basi Hai

Tu Bhi Dukhi Hai Asghr Bhi Dukhi Hai
Raqeebon Ko Issi Baat Ki Khushi Hai

– M.Asghar Mirpuri

Kyo Anjaan Sa Ek Dard Andar Se Jata Nahi
Kyo Sona Chahu Fir Bhi Man Neend Tak Pohunch Pata Nahi

Kyo Khwab Dekhne Ki Lagan Hai, Par Pure Ho Pate Nahi
Waqt Ye Insaaf To Nahi, Fir Bhi Kyo Waqt Se Hum Khilaf Nahi

Kyo Dar Hai Kuch Khone Ka, Jab Ki Kuch Paya Nahi
Chalte Bohot Hain Manzil Pane Ko, Rasta Khatam Ho Kar Bhi Kyo Kuch Haashil Nahi

Hans Loon Kabhi Hadd Se Jyada To, Kyo Dar Lagata Hai Fir Kahi Rona To Nahi
Kyo Yaado Ka Sahara Acha Lagta Hai, Kyo Hakiqat Me Jina Nahi

– Jashika

Wo Pehle Jaisi Nawazashein Kahan Gayi
Wo Marawatein Wo Chahatein Kahan Gayi

Humaare Darmiyaan Sazishein Reh Gayi
Wo Pyar Bhari Baatein Kahan Gayi

Jab Sitaron Ko Hum Gawah Karte They
Ab Wo Chandni Raatein Kahan Gayi

Jab Har Roz Tum Phone Karte They
Wo Pyar Bhri Sogaatein Kahan Gayi…?

– M.Asghar Mirpuri

Mujh Se Kinara Kar Ke, Kuch Pal Toh Us Ne, Apni Ankhon Ko Dhoya Hoga
Baith Ke Kisi Kone Me Sar-E-Shaam Kuch Aansu Toh Wo Roya Hoga

Peshemaan Toh Wo Boht Hua Hoga Apni He Berukhi Se
Khaab Me Na Sahi, Neend Se Pehle Meri Yaad K Baad Hi Wo Soya Hoga

Ahbab K Qarb Me Maine Yahi Aik Baat Seekhi Hai
Us Ne Bhi Kisi Tareeqi Ke Kone Main Apne Aansu Ko Peeroya Hoga

Mera Dil Nhi Dukha Par Main Hazaar Aansu Roya
Meri Manind Na Sahi, Par Fursat Me Qaraar Toh Wo Khoya Hoga

Mere Dard-E-Dil Ko Koi Samjtaa, Toh Phir Kisi Ko Gila Na Rehta Harf.E.Muhabbat Se
Mse Kia Maloom, Maine Kis Kis Samandar Main Khud Dooboya Hoga

Main Apne Fan-E-Naqsh-E-Nigari K Charchy Kyun Karon, Kyun Sunaau Main Apne Afsaany Sb Ko,
Mujhe Maloom Hai Wo Kisi Aur Ka Ho K Bhi Mere He Khayalon Main Khoya Hoga.

– Vicky Khokhar

Aik Muddat Se Rahi Hai Yeh Aarzoo Meri
Ke Kab Tujh Se Ho Gi Guftgoo Meri

Aaj Duniya Humein Milne Nahi Deti
Aik Din Mohabbat Ho Gi Sarkhroo Meri

Mera Jeena Aur Marna Sab Tere Liye
Saansoon Ki Bhi Mukhtaar Hai Tu Meri

Dil Tere Hi Khyalon Mein Khoya Hai
Rooh Bhatak Rahi Koobakoo Meri

Main Khizaaon Ki Rahon Ka Musafir Hoon
Kabhi Bhool Kar Bhi Na Karna Jastjoo Meri

– M.Asghar Mirpuri

Kabhi Khud Ko Mere Pyar Mein Bhula Kar Dekh
Dushmani Achi Nahi Mujhey Dost Bana Kar Dekh

Tere Pyar Mein Meri Tamaam Umar Rotey Guzri
Kabhi Tu Bhi Meri Janib Muskura Kar Dekh

Mujh Pe Zulam-O-Sitam Ki Bijlian Giraane Waaley
Tu Bhi Kisi Ki Ulfat Mein Gham Kha Kar Dekh

Tere Dil Ke Chaman Mein Bahar Aa Jaye Gi
Aik Baar Tu Mujhey Wahan Basa Kar Dekh

Tere Bin Kaise Asghr Ka Naya Saal Guzra
Apne Iss Deewane Ki Haalat Aa Kar Dekh…

– M.Asghar Mirpuri

Aa Bhi Jao Mausam E Bahar Hai Usey Kehna
Humein Uska Intezar Hai Usey Kehna

Zindgi Mein Qadam-Qadam Pe Imtehan Hain
Rasta Bada Dashwaar Hai Usey Kehna

Khushiyan Kam Hain Beshumaar Ghum Hain
Unki Lambi Qataar Hai Usey Kehna

Dard E Hijhr Ko Ashaar Mein Prona
Ab Yehi Karobaar Hai Usey Kehna

Asghr Ko Kabhi Azma Kar Dekh Lena
Yeh Zindagi Us Pe Nisaar Hai Usey Kehna…

– M.Asghar Mirpuri