Mohabbat Shayari

Jab Bhi Tum Se Rabat Mohaal Hota Hai
Tum Kya Jaano Mera Kaisa Haal Hota Hai

Meri Har Soch Mein Tum Hote Ho
Mujhey Sirf Tumara Khyal Hota Hai

Ajnabi Ho Kar Bhi Apne Se Lagte Ho
Kya Mohabbat Mein Aisa Bhi Kamaal Hota Hai

Yeh Dil Ke Saudey Bhi Ajeeb Hote Hain
In Ke Aage To Shaah Bhi Kangaal Hota Hai

Tera Dard Sanbhaal Ke Rakha Hai Aise
Jaise Gareeb Ki Gathri Mein Laal Hota Hai…

– M.Asghar Mirpuri

Agar Tujhey Nafrat Mere Naam Se Hai
Phir Kyon Mohabbat Mere Klaam Se Hai

Jis Ka Mashgla Tha Auron Ko Dukh Dena
Aaj Wo Udas Ghamon Ki Shaam Se Hai

Mohabbat Mein Kisi Tafreeq Ke Hum Nahi Qaabil
Humein To Mohabat Khaas-O-Aam Se Hai

Jis Ki Deed Ko Aankhein Tarash Rahi Hain
Usey Na Fursat Apne Kaam Se Hai

Hum Ne Mohabbat Ka Agaaz To Kar Diya Asghar
Hume Na Koi Garaz Anjaam Se Hai

– M.Asghar Mirpuri

Hum Mohabbat Ko Aam Karte Hain
Har Kisi Ka Ehtraam Karte Hain

Jo Hum Se Nafrat Karte Hain
Hum Unhein Bhi Slaam Karte Hain

Waqt Palak Jhapkate Guzar Jata Hai
Hum Jab Un Se Kalaam Karte Hain

Un Ka Andaaz Aisa JaanLeva Hai
Wo Ek Nazar Se Ghulam Karte Hain

Abhi Tak Un Ka Dil Na Jeet Sake
Har Roz Ek Khat Un Ke Naam Karte Hain…

– M.asghar Mirpuri

Usey Meri Mohabbat Ka Yaqeen Ho Gya Hai
Khushi Se Bagh-Bagh Dil E Ghumgeen Ho Gya Hai

Mere Tan Mann Ko Badi Taskeen Mili Hai
Jab Se Wo Dil Mein Makeen Ho Gya Hai

Mere Pyar Ne Us Ke Husan Ko Aisa Nikhara
Wo Pehle Se Aur Bhi Haseen Ho Gya Hai

Ab To Woi Meri Shayari Ka Unwan Hai
Us Ke Aane Se Jeevn Rangeen Ho Gya Hai

Log To Mohabbat Mein Deewane Ho Jate Hain
Lekin Asghr Jaisa Nadan Zaheen Ho Gya Hai…

– M. Asghar Mirpuri

Main Iss Tarah Usey Slaam Bhejta Hoon
Har Roz SMS Ik Gumnaam Bhejta Hoon

Mera Dil, Jigar-O-Jaan Hai Wo, Dost
Jise Mohabbaton Bhare Paigham Bejhta Hoon

Apne Ashaar Ka Guldasta Bana Kar
Mein Sirf Usi Ke Naam Bhejta Hoon

Jis Ne Mujhey Deewana Bana Rakha Hai
Usey Apni Chahat Ke Paigham Bhejta Hoon

Mere Daaman Mein In Ke Siwa Kuch Nahi
Slamati Ki Duayein Subh-O-Shaam Bhejta Hoon

– M. Asghar Mirpuri