Zindagi Shayari

Tujhe Chahte Hain Eh Sanam Bas Teri Aarjoo Hai,
Tu Zindagi Hai Meri, Tu Meri Har Khushi Hai,

Mujhe Duniya Se Garaj Kya Tu Meri Justju Hai,
Bas Tere Dam Se Hamdam Meri Duniya Hanshi Hai,

Haathon Mein Tere Sanam Mere Pyar Ki Aabroo Hai,
Tere Naam Par Kurbaan Meri Jaan-O-Zindagi Hai,

Tu Saamne Hai Mere Toh Khuda Roo-B-Roo Hai,
Tu Hi Chahton Ki Manzil, Tu Hi Meri Bandagi Hai,

Tujhe Chahte Hain Eh Sanam Bas Teri Aarjoo Hai,
Tu Zindagi Hai Meri, Tu Meri Har Khushi Hai…

Jab Se Meri Aap Se Mulakat Ho Gayi Hai,
Dost Kahte Hain Aap Meri Jaan Ho Gayi Hai,

Azeeb Kashmkash Mein Uljha Hua Hun Main,
Ab Har Saans Meri Aapki Gulam Ho Gayi Hai,

Jab Se Aayi Hain Aap Meri Zindagi Mein,
Har Khushi Dil Se Hum-Zubaan Ho Gayi Hai,

Aapke Hothhon Par Kya Aayi Gazlein Meri,
Us Din Se Meri Har Shayari Bhi Jawaan Ho Gayi Hai,

Aap Chha Gaye Hain Meri Zindagi Pe Is Kadar,
Har Ek Meri Dhadkan Aapki Gulam Ho Gayi Hai,

Jee Chahta Hai Baahon Mein Samet Loon Aapko,
Sukun Chhin Gaya Hai, Neend Haraam Ho Gayi Hai,

Dekhkar Khuli Huyi Zulfein Aapki Eh Sanam,
Ghatayein Sham Ki Pareshaan Ho Gayi Hai,

Sunkar Jhankaar Aapki Paayal Ki Eh Sanam,
Mahfil Sangeet Ki Bejubaan Ho Gayi Hai,

Jab Se Meri Aap Se Mulakat Ho Gayi Hai,
Dost Kahte Hain Aap Meri Jaan Ho Gayi Hai…

Mana Dil Ne Khuda Aapko,
Chaha Hamne, Pooja Aapko,

Apne Aap Se Puchhiye Eh Sanam,
Khushboo Kahoon Yaa Fizaa Aapko,

Mandir Mein Jaaun Ab Kisliye,
Jab Maan Liya Dewata Aapko,

Manzar Badla Hai Jeene Ka,
Jab Se Zindagi Samjha Hai Aapko,

Behti Lahar Salaam Karegi ,
Fursat Se Sahil Mila Aapko…

Hum To Bachpan Mein Bhi Akele The
Sirf Dil Ki Gali Mein Khele The

Ik Taraf Morche The Palkon Ke
Ik Taraf Aansuon Ke Rele The

Thi Sazi Hasratein Dukano Per
Zindagi Ke Ajeeb Mele The

Khudkushi Kya Dukhon Ka Hall Banti
Maut Ke Apne Sau Jhamele The

Zehan-O-Dil Aaj Bhukhe Marte Hain
Un Dino Humne Faake Jhele The…

– Javed Akhtar