Tasawur Mein Tujh Se Guftgoo Rehti Hai
Tera Pyar Paane Ki Justajoo Rehti Hai

Mere Dil Mein Tere Siwa Koi Aur Nahi
Wahan Faqat Sirf Tu Hi Tu Rehti Hai

Teri Judai Mein Ashq Behte Rehte Hain
Kayi Dino Se Ankh Lahoo-Lahoo Rehti Hai

Mujhey Tanhai Ka Kabhi Ehsaas Nahi Hota
Tu Har Pal Mere Charsoo Rehti Hai

Asghr Ki Koi Aur Khwaish To Nahi Jaanam
Sirf Tujh Se Baat Karne Ki Arzoo Rehti Hai …

– M.Asghar Mirpuri